Aktuale

Mitrovica dhe qytete të tjera në Kosovë janë nën ethe, në pritje të zhvillimeve lidhur me gjykimin në Hagë të katër ish-krerëve të UÇK-së.

Në terren vërehet një lloj tensioni, por deri tani nuk ka pasur zhvillime të reja të sigurisë që do të përbënin shqetësim të veçantë.

“Mitrovica dhe qytetet e tjera mund të them lehtësisht që ndodhen nën ethe në pritje të katërshes së UÇK-së që po gjykohet në Hagë, dhe mund të vërehet një lloj situate e tendosur gjithandej”.

Pavarësisht kësaj atmosfere, situata e sigurisë deri më tani mbetet e qetë.

“Zhvillimet e fundit të sigurisë për fat të mirë nuk ka diçka për t’u theksuar”.

Policia e Kosovës në veri është rikthyer në orarin 12-orësh, si masë që aplikohet në situata të cilat mund të paraqesin rrezik për sigurinë.

“Policia është kthyer në orar 12-orësh kur ka situata të tilla që mund të përbëjnë rrezik për sigurinë, pra policët në veri janë në orar 12-orësh”.

Megjithatë, në terren nuk është vërejtur ndonjë shtim i theksuar i pranisë policore, përtej asaj që është bërë e ditur zyrtarisht nga Policia.“Nuk kam vërejtur se ka pasur ndonjë shtim të theksuar pos asaj që ka njoftuar policia, mirëpo në terren nuk vërehet shtim i forcave policore”.