Aktuale

Deputeti i zgjedhur nga radhët e Lëvizjes Vetëvendosje, Ilir Kërçeli i është kundërpërgjigjur ish-kryeministrit nga radhët e Lidhjes Demokratike të Kosovës, Avdullah Hoti i cili ka thënë sot se Kosova rrezikon të mbetet jashtë projektit të gazit amerikan dhe se aleanca me SHBA-të duhet të mbrohet me protestë demokratike.

Kërçeli në një postim në Facebook ka ironizuar me deklaratën e Hotit, duke i thënë se duhet ta mbrojnë LDK-në se për aleancën me SHBA-të ka kush kujdeset.

“Ta mbrojmë me protestë aleancën tonë me SHBA-të, tha një deputet dhe ish-kryeministër i LDK-së. Ooo mbrojeni LDK-në, sepse po ju ndërrohet qiramarrësi. Për aleancën me SHBA-të ka kush kujdeset dhe e mbron”, ka shkruar Kërçeli.