Aktuale

Në prani të kryeministrit në detyrë të Republikës së Kosovës, Albin Kurti, është nënshkruar memorandumi për restaurimin e objektit të Instituti Albanologjik i Prishtinës.

Marrëveshja u nënshkrua nga ministri në detyrë i Arsimit dhe Shkencës, Hajrulla Çeku, dhe zëvendësministrja e Kulturës dhe Turizmit, Nora Arapi-Krasniqi.

Sipas kryeministrit Kurti, projekti përfshin restaurimin e plotë të ndërtesës, e cila është në mbrojtje të trashëgimisë kulturore, pas ndërhyrjeve emergjente që tashmë janë në proces për kulmin dhe ulluqet e objektit.

Ai theksoi se përmes këtij memorandumi po krijohet baza për një trajtim të plotë të institutit, duke përfshirë edhe funksionalizimin e tij të qëndrueshëm.

Në kuadër të projektit parashihet edhe krijimi i një ekspozite të përhershme etnografike, si dhe muzealizimi i zyrës së akademikut të ndjerë Rexhep Qosja.

Kurti bëri të ditur se investimi i Ministrisë së Arsimit dhe Shkencës për këtë fazë kap vlerën mbi 144 mijë euro.

Ai shtoi se nga ndërhyrjet emergjente po kalohet drejt restaurimit të plotë, përmes bashkëpunimit ndërmjet dy ministrive, me synim ruajtjen dhe funksionalizimin e këtij objekti me rëndësi të veçantë kulturore.