Aktuale

Kryetarja e Kuvendit të Kosovës, Albulena Haxhiu ka bërë të ditur se ka pranuar sot një kërkesë të Grupit Parlamentar të Lëvizjes Vetëvendosje për thirrjen e një seancë të jashtëzakonshme, gjersa kanë propozuar dy kandidatura për presidente, Feride Rushiti dhe Hatixhe Hoxha.

Haxhiu këtë e bëri të ditur në një postim në Facebook.

“Sot kam pranuar kërkesën e Grupit Parlamentar të Lëvizjes VETËVENDOSJE! për thirrjen e një seance të jashtëzakonshme për zgjedhjen e Presidentit, e cila do të mbahet sot në orën 20:30.

Në kuadër të kësaj kërkese janë propozuar dy kandidatura për President: Feride Rushiti dhe Hatixhe Hoxha.

I ftoj që të gjithë deputetët e Kuvendit të Republikës së Kosovës që të marrin pjesë në këtë seancë, në përputhje me obligimet e tyre kushtetuese”, shkruan Haxhiu. /Ekolajmi/