Aktuale

Nga një destinacion pranë bregut drejt një kufiri të ri inovacioni, Evrotarget u bë pjesë e tryezës vjetore të organizuar nga ABSL Kosovo, një ngjarje që mblodhi aktorët kryesorë të industrisë për të diskutuar zhvillimet më të fundit dhe drejtimet strategjike të së ardhmes.

Drejtori i Evrotarget, Hamdi Malushaj, theksoi se Kosova tashmë njihet globalisht në këtë sektor dhe se renditet ndër kontribuesit më të mëdhenj në zhvillimin e tij, duke kërkuar njëkohësisht nga institucionet që të jenë më mbështetëse ndaj këtij sektori.

Evrotarget është gjithashtu ndër punëdhënësit më të mëdhenj në Kosovë në këtë sektor. Evrotarget, në kuadër të BPO services, është e fokusuar kryesisht në sektorin energjetik, por jo vetëm, duke u shndërruar në një histori suksesi në këtë fushë.

Ky takim shërbeu si një platformë e rëndësishme për shkëmbimin e ideve, përvojave dhe praktikave më të mira, duke vënë në fokus transformimin digjital, inovacionin dhe rolin e kompanive në ndërtimin e një ekonomie moderne dhe konkurruese.

Pjesëmarrja e Evrotarget në këtë tryezë dëshmon angazhimin e saj të vazhdueshëm për të qenë pjesë aktive e zhvillimeve që po formësojnë tregun.

Në një ambient bashkëpunimi dhe vizioni të përbashkët, diskutimet u përqendruan në sfidat dhe mundësitë që sjell epoka e re e teknologjisë, si dhe në mënyrat konkrete për të rritur kapacitetet dhe për të krijuar vlera të qëndrueshme.

Evrotarget theksoi rëndësinë e investimit në inovacion dhe kapital njerëzor si çelës për sukses afatgjatë.