Aktuale

Kryeministri i Kosovës, Albin Kurti, zhvilloi një takim me Ekipin e Kombeve të Bashkuara në Kosovë (UNKT), të udhëhequr nga Koordinatori për Zhvillim i OKB-së, Stephen O’Malley.

Kryeministri Kurti theksoi rëndësinë që prioritetet e UNKT të jenë në përputhje me agjendën kombëtare të zhvillimit dhe mirëpriti vazhdimësinë e bashkëpunimit, duke vënë në dukje përfshirjen e Kosovës edhe përmes bashkëfinancimit në programet e OKB-së.

Bëhet e ditur se të dyja palët u dakorduan të vazhdojnë bashkëpunimin e ngushtë dhe të forcojnë më tej mekanizmat e koordinimit për mbështetjen e zhvillimit dhe reformave institucionale në vend.