Aktuale

Për herë të parë në Kosovë, kompania “FAV Distribution LLC” organizon një ëorkshop të dedikuar për praktikat dhe teknologjitë më të avancuara në sistemet e ujitjes, me mbështetje nga RainBird dhe Inaqua.

Inaqua, një kompani kroate e specializuar në sistemet e ujitjes dhe anëtare e Asociacionit Europian të Irrigimit, do të sjellë ekspertizën e saj për të informuar grupin e interesit, përfshirë kopshtaret, hidroinxhinierët dhe profesionistë të tjerë të fushës, mbi bazat e sistemeve të ujitjes, praktikat më të reja dhe teknologjitë inovative që po përdoren në Evropë dhe më gjerë.

Pronari i FAV Distribution, Admir Hashani, tha për Ekolajmi se për herë të parë po organizohet një ngjarje e tillë.

“Workshop-i përfshin prezantime praktike dhe diskutime mbi mënyrat e optimizimit të përdorimit të ujit, teknikat e automatizimit dhe implementimin e sistemeve inteligjente të ujitjes. Pas këtij workshop-i, është planifikuar edhe një seminar më i avancuar 3 ditor, i cili do të jetë me pagesë, ku pjesëmarrësit do të kenë mundësinë të marrin certifikim nga Asociacioni Europian i Irrigimit, duke njohur njohuritë dhe aftësitë e fituara gjatë trajnimeve”, theksoi Hashani.

Ky aktivitet shënon një hap të rëndësishëm drejt modernizimit të praktikat e ujitjes në Kosovë dhe rritjes së njohurive profesionale për specialistët e fushës. Ekolajmi/