Kosovë

Stacioni i Autobusëve ka reaguar sot pas raportimeve për rritjen e biletave të udhëtimit.

Stacioni i Autobusëve thekson se përcaktimi i çmimeve të biletave është kompetencë ekskluzive e operatorëve privatë të transportit.

“Në lidhje me raportimet e fundit në media për rritjen e çmimeve të biletave të udhëtimit, sqarojmë për opinionin publik se vendimi për përcaktimin e çmimeve të biletave është kompetencë ekskluzive e operatorëve privatë të transportit.

Stacioni i Autobusëve (SAP) nuk merr pjesë në vendimmarrjen për çmimet e biletave dhe nuk ka rol në përcaktimin apo ndryshimin e tyre.  Prandaj, çdo ndryshim i çmimeve reflekton vendime të operatorëve të transportit, bazuar në politikat dhe kostot e tyre operative”, thuhet në reagim. /Ekolajmi/