Aktuale

Kryetarja e Kuvendit të Republikës së Kosovës, Albulena Haxhiu, priti sot në takim drejtoren e Institutit Demokratik Kombëtar (NDI) në Kosovë,  Nancy Soderberg.

Kryetarja Haxhiu vlerësoi lart mbështetjen e vazhdueshme të NDI-së për Kosovën, veçanërisht në drejtim të fuqizimit të rolit të Kuvendit dhe promovimit të transparencës, llogaridhënies dhe përfshirjes qytetare.

“Bashkëpunimi ynë mbetet i rëndësishëm për thellimin e demokracisë dhe ndërtimin e institucioneve më të qëndrueshme”, theksoi kryetarja Haxhiu.