Aktuale

Ministrja Mimoza Kusari-Lila ka pritur në takim ambasadorin e Bashkimit Evropian në Kosovë, Dirk Schuebel, me të cilin ka diskutuar për Planin e Rritjes së BE-së dhe mundësitë për zhvillimin ekonomik dhe integrimin e Kosovës në tregun evropian.

Në takim u diskutuan edhe marrëveshjet SAA, EFTA dhe CEFTA, lehtësimi i tregtisë dhe lëvizjes së fuqisë punëtore, mbështetja për inovacionin e ndërmarrësinë, si dhe zhvillimi i parqeve industriale dhe kapaciteteve prodhuese.

Kusari-Lila theksoi rëndësinë e projekteve IPA dhe forcimit të kapaciteteve institucionale për zbatimin e reformave.

Ambasadori Schuebel përcolli mesazhin: “Po ecni në drejtimin e duhur. Dhe drejtimi i duhur është Evropa!”