Aktuale

Oda Ekonomike e Kosovës ka prezantuar potencialin ekonomik të vendit në aktivitetin “Doing Business in Kosovo”, të mbajtur në Trieste, para bizneseve dhe institucioneve italiane.

Është vlerësuar interesimi i bizneseve italiane për bashkëpunim me kompanitë kosovare, si dhe gatishmëria e disa bizneseve vendore për zgjerim dhe hapje të degëve në Trieste.

Sipas organizatorëve, ky interes dëshmon rritjen e sektorit privat në Kosovë dhe besimin në tregjet ndërkombëtare.

Aktiviteti është organizuar në bashkëpunim me Ministrinë e Industrisë, Ndërmarrësisë dhe Tregtisë, Ambasadën e Kosovës në Itali dhe partnerë institucionalë italianë.