Top Lajme

Policia e Kosovës ka regjistruar një numër të lartë shkeljesh në trafik gjatë 24 orëve të fundit, duke shqiptuar mijëra gjoba ndaj shoferëve që nuk kanë respektuar rregullat e komunikacionit.
Sipas raportit, brenda një dite janë shqiptuar gjithsej 1,881 gjoba trafiku në të gjithë vendin.

Ndërkohë, gjatë kësaj periudhe nuk është raportuar asnjë aksident me fatalitet. Megjithatë, janë regjistruar 27 aksidente me të lënduar dhe 34 aksidente të tjera me dëme materiale.

Autoritetet policore kanë bërë të ditur gjithashtu se janë arrestuar 12 persona, prej të cilëve 5 janë dërguar në mbajtje, ndërsa 3 të tjerë janë dërguar në vuajtje të dënimit.

Policia apelon për kujdes dhe respektim të rregullave të trafikut, duke theksuar se shkeljet e vazhdueshme mbeten një nga shkaktarët kryesorë të aksidenteve në rrugë.