Drejtësi

Prokuroria Themelore në Prishtinë, përkatësisht Departamenti i Përgjithshëm bën të ditur se me urdhër të Prokurorit të Shtetit janë sekuestruar nëntë automjete të cilat dyshohen se janë përfituar përmes veprës penale “Mashtrimi kompjuterik”.

Automjetet e sekuestruara janë të markave të ndryshme, përkatësisht: tri vetura të tipit Seat Leon, dy Volkswagen Polo, një Golf 8, një Audi A6, një Volkswagen Jetta dhe një Peugeot 2008 Allure.

“Prokurori i Shtetit, ka lëshuar urdhër për ndalim të përkohshëm të kësaj pasurie, me qëllim sigurimin e saj deri në përfundim të procedurës penale”, thuhet në njoftim. /ekolajmi/