{"id":22084,"date":"2026-08-12T18:51:44","date_gmt":"2026-08-12T16:51:44","guid":{"rendered":"https:\/\/ekolajmi.com\/?p=22084"},"modified":"2026-08-12T18:51:49","modified_gmt":"2026-08-12T16:51:49","slug":"shqiperia-kalon-e-treta-ne-rajon-per-te-ardhurat-per-koke-banori-ku-ndodhet-kosova","status":"publish","type":"post","link":"https:\/\/ekolajmi.com\/index.php\/2026\/08\/12\/shqiperia-kalon-e-treta-ne-rajon-per-te-ardhurat-per-koke-banori-ku-ndodhet-kosova\/","title":{"rendered":"Shqip\u00ebria kalon e treta n\u00eb rajon p\u00ebr t\u00eb ardhurat p\u00ebr kok\u00eb banori, ku ndodhet Kosova"},"content":{"rendered":"

Shqip\u00ebria ka b\u00ebr\u00eb nj\u00eb kap\u00ebrcim t\u00eb duksh\u00ebm n\u00eb renditjen e vendeve t\u00eb Ballkanit Per\u00ebndimor p\u00ebr t\u00eb ardhurat p\u00ebr frym\u00eb, por ky p\u00ebrmir\u00ebsim zbehet ndjesh\u00ebm sapo n\u00eb llogari futet kostoja e jetes\u00ebs.<\/strong><\/p>\n

Dy m\u00ebnyrat e matjes s\u00eb Prodhimit t\u00eb Brendsh\u00ebm Bruto p\u00ebr frym\u00eb japin sot dy pamje t\u00eb ndryshme t\u00eb pozicionit ekonomik t\u00eb Shqip\u00ebris\u00eb.<\/p>\n

N\u00eb treguesin nominal, t\u00eb shprehur n\u00eb dollar\u00eb amerikan\u00eb, Shqip\u00ebria \u00ebsht\u00eb ngjitur n\u00eb vendin e tret\u00eb n\u00eb rajon, pas Serbis\u00eb dhe Malit t\u00eb Zi, duke l\u00ebn\u00eb pas Maqedonin\u00eb e Veriut, Bosnj\u00eb-Hercegovin\u00ebn dhe Kosov\u00ebn, shkruan\u00a0Monitor.al<\/a>.<\/p>\n

N\u00eb vitin 2025, sipas t\u00eb dh\u00ebnave t\u00eb publikuara nga Fondi Monetar Nd\u00ebrkomb\u00ebtare (FMN), Serbia kishte t\u00eb ardhurat p\u00ebr frym\u00eb m\u00eb t\u00eb lartat n\u00eb rajon, me 15.3 mij\u00eb dollar\u00eb, duke ia kaluar Malit t\u00eb Zi, q\u00eb u rendit i dyti, me 14.7 mij\u00eb dollar\u00eb.<\/p>\n

N\u00eb vend t\u00eb tret\u00eb \u00ebsht\u00eb ngjitur Shqip\u00ebria, q\u00eb dikur ishte e parafundit n\u00eb Europ\u00eb dhe rajon, dhe linte pas vet\u00ebm Kosov\u00ebn.<\/p>\n

Shqip\u00ebria n\u00eb 2025-n arrit n\u00eb nivelin e 11.2 mij\u00eb dollar\u00eb t\u00eb ardhura p\u00ebr frym\u00eb, duke ia kaluar Maqedonis\u00eb s\u00eb Veriut (10.5 mij\u00eb dollar\u00eb) dhe Bosnj\u00eb Hercegovin\u00ebs (9.6 mij\u00eb dollar\u00eb).<\/p>\n

N\u00eb fund vijon t\u00eb mbetet Kosova, me 7.9 mij\u00eb dollar\u00eb.\u00a0(shiko grafikun: T\u00eb ardhurat p\u00ebr frym\u00eb -USD).<\/em><\/p>\n

Por renditja ndryshon kur t\u00eb ardhurat korrigjohen sipas fuqis\u00eb bler\u00ebse, pra kur matet se sa mallra dhe sh\u00ebrbime mund t\u00eb blihen realisht me k\u00ebto t\u00eb ardhura n\u00eb secilin vend.<\/p>\n

PPP (barazia e fuqis\u00eb bler\u00ebse) mat sa mallra dhe sh\u00ebrbime mund t\u00eb blihen realisht me t\u00eb ardhurat n\u00eb nj\u00eb vend, duke korrigjuar diferencat e \u00e7mimeve mes shteteve dhe llogaritet me dollar\u00eb nd\u00ebrkomb\u00ebtare.<\/p>\n

N\u00eb k\u00ebt\u00eb rast, Shqip\u00ebria zbret n\u00eb vendin e kat\u00ebrt n\u00eb Ballkanin Per\u00ebndimor, pas Malit t\u00eb Zi, Serbis\u00eb dhe Maqedonis\u00eb s\u00eb Veriut, madje me diferenc\u00eb t\u00eb lart\u00eb me k\u00ebt\u00eb t\u00eb fundit. Sipas t\u00eb dh\u00ebnave t\u00eb FMN-s\u00eb, n\u00eb vend t\u00eb par\u00eb p\u00ebr t\u00eb ardhurat p\u00ebr frym\u00eb e ruan vendin e par\u00eb Mali i Zi (34.4 mij\u00eb dollar\u00eb nd\u00ebrkomb\u00ebtare), e ndjekur nga Serbia (32.7 mij\u00eb).<\/p>\n

N\u00eb vend t\u00eb tret\u00eb \u00ebsht\u00eb Maqedonia e Veriut, q\u00eb ndon\u00ebse ka zbritur nj\u00eb pozicion posht\u00eb Shqip\u00ebria ka fuqi bler\u00ebse shum\u00eb m\u00eb t\u00eb lart\u00eb (29.7 mij\u00eb dollar\u00eb nd\u00ebrkomb\u00ebtar\u00eb), p\u00ebrkundrejt Shqip\u00ebris\u00eb q\u00eb e ka k\u00ebt\u00eb tregues shum\u00eb m\u00eb t\u00eb ul\u00ebt (23.4 mij\u00eb), e ndjekur nga Bosnja (22.9 mij\u00eb) dhe Kosova (20.4 mij\u00eb).<\/p>\n

T\u00eb tre vendet e fundit, Shqip\u00ebria, Bosnj\u00eb Hercegovina dhe Kosova kan\u00eb fuqi bler\u00ebse n\u00eb nivele t\u00eb ngjashme, me shum\u00eb diferenc\u00eb nga Mali i ZI, Serbia dhe Maqedonia e Veriut, si\u00e7 tregohet qart\u00eb nga grafiku:\u00a0T\u00eb ardhurat p\u00ebr frym\u00eb sipas fuqis\u00eb bler\u00ebse (USD nd\u00ebrkomb\u00ebtar\u00eb).<\/em><\/p>\n

Diferenca midis dy grafik\u00ebve \u00ebsht\u00eb n\u00eb fakt nj\u00eb nga treguesit m\u00eb t\u00eb qart\u00eb t\u00eb problemit q\u00eb ekonomia shqiptare ka krijuar gjat\u00eb viteve t\u00eb fundit: t\u00eb ardhurat n\u00eb vler\u00eb monetare jan\u00eb rritur, por nj\u00eb pjes\u00eb e madhe e p\u00ebrfitimit \u00ebsht\u00eb g\u00ebrryer nga rritja e fort\u00eb e \u00e7mimeve.<\/p>\n

Ky \u00ebsht\u00eb dhe nj\u00eb tregues indirekt i pabarazis\u00eb n\u00eb t\u00eb ardhura q\u00eb ka shkaktuar modeli ekonomik vendas, ku rritja e orientuar kryesisht nga nd\u00ebrtimi, ka krijuar iluzion se ekonomia \u00ebsht\u00eb rritur, teksa ka pasuruar vet\u00ebm nj\u00eb pjes\u00eb t\u00eb vog\u00ebl t\u00eb popullsis\u00eb.<\/p>\n

Modeli i viteve t\u00eb fundit, i mb\u00ebshtetur ndjesh\u00ebm te nd\u00ebrtimi dhe pasurit\u00eb e paluajtshme, ka rritur vler\u00ebn nominale t\u00eb ekonomis\u00eb dhe ka krijuar perceptimin e nj\u00eb p\u00ebrmir\u00ebsimi t\u00eb shpejt\u00eb t\u00eb mir\u00ebqenies.<\/p>\n

Por p\u00ebrfitimet nuk jan\u00eb shp\u00ebrndar\u00eb nj\u00ebtrajtsh\u00ebm, nd\u00ebrsa p\u00ebr nj\u00eb pjes\u00eb t\u00eb madhe t\u00eb familjeve, shtrenjtimi i ushqimeve, banesave dhe sh\u00ebrbimeve ka kufizuar rritjen reale t\u00eb fuqis\u00eb bler\u00ebse dhe mirwqenies.<\/p>\n

P\u00ebr rrjedhoj\u00eb, Shqip\u00ebria mund t\u00eb jet\u00eb ngjitur n\u00eb renditjen e t\u00eb ardhurave p\u00ebr frym\u00eb, pa pasur t\u00eb nj\u00ebjtin p\u00ebrmir\u00ebsim n\u00eb standardin real t\u00eb jetes\u00ebs.<\/p>\n

Pse krijohet \u201ciluzioni\u201d i t\u00eb ardhurave p\u00ebr frym\u00eb<\/strong><\/p>\n

Edhe treguesi nominal duhet lexuar me kujdes. PBB-ja p\u00ebr frym\u00eb n\u00eb dollar\u00eb ndikohet jo vet\u00ebm nga rritja reale e ekonomis\u00eb, por edhe nga kursi i k\u00ebmbimit dhe nga numri i popullsis\u00eb.<\/p>\n

N\u00eb rastin e Shqip\u00ebris\u00eb, forcimi i lekut ndaj euros dhe dollarit gjat\u00eb viteve t\u00eb fundit e rrit mekanikisht vler\u00ebn e ekonomis\u00eb kur ajo konvertohet n\u00eb dollar\u00eb.<\/p>\n

N\u00eb t\u00eb nj\u00ebjt\u00ebn koh\u00eb, tkurrja e popullsis\u00eb b\u00ebn q\u00eb e nj\u00ebjta madh\u00ebsi ekonomike t\u00eb pjes\u00ebtohet mes nj\u00eb numri m\u00eb t\u00eb vog\u00ebl banor\u00ebsh.<\/p>\n

Shqip\u00ebria u pasurua n\u00eb let\u00ebr, por u shtrenjtua m\u00eb shpejt<\/strong><\/p>\n

Diferenca mes Shqip\u00ebris\u00eb dhe Maqedonis\u00eb s\u00eb Veriut shpjegohet n\u00eb nj\u00eb mas\u00eb t\u00eb madhe nga \u00e7mimet. Shqip\u00ebria e ka kaluar tashm\u00eb Maqedonin\u00eb n\u00eb PBB-n\u00eb nominale p\u00ebr frym\u00eb, por mbetet duksh\u00ebm pas saj kur t\u00eb ardhurat maten sipas fuqis\u00eb bler\u00ebse.<\/p>\n

Kjo ndodh sepse Shqip\u00ebria \u00ebsht\u00eb shtrenjtuar me shpejt\u00ebsi vitet e fundit, duke u b\u00ebr\u00eb m\u00eb e shtrenjta n\u00eb rajon, si n\u00eb total dhe sidomos p\u00ebr ushqimet.<\/p>\n

N\u00eb vitin 2015, Shqip\u00ebria dhe Maqedonia e Veriut ishin praktikisht n\u00eb fund t\u00eb renditjes rajonale p\u00ebr nivelin e \u00e7mimeve. Shqip\u00ebria ishte n\u00eb 48.3% t\u00eb mesatares s\u00eb BE-s\u00eb, nd\u00ebrsa vendet e Ballkanit Per\u00ebndimor n\u00eb p\u00ebrgjith\u00ebsi luhateshin n\u00eb intervalin 48-56%.<\/p>\n

Deri n\u00eb vitin 2025, Shqip\u00ebria u b\u00eb m\u00eb e shtrenjta n\u00eb rajon, me 72.6% t\u00eb mesatares europiane, duke l\u00ebn\u00eb pas edhe Serbin\u00eb (68%) dhe Malin e Zi (66.1%), vende q\u00eb tradicionalisht kishin qen\u00eb m\u00eb t\u00eb shtrenjta, Bosnj\u00ebn (59.2%).<\/p>\n

Maqedonia e Veriut, n\u00eb t\u00eb kund\u00ebrt, arriti vet\u00ebm n\u00eb rreth 54.8% t\u00eb mesatares europiane. (shiko grafikun:\u00a0Si u b\u00eb Shqip\u00ebria m\u00eb e shtrenjta n\u00eb rajon Indeksi i \u00e7mimeve, sipas fuqis\u00eb bler\u00ebse (BE=100)<\/em><\/p>\n

Ky ndryshim shpjegon pse rritja e PBB-s\u00eb p\u00ebr frym\u00eb nuk perceptohet n\u00eb t\u00eb nj\u00ebjt\u00ebn mas\u00eb n\u00eb mir\u00ebqenien e familjeve.<\/p>\n

Rritja ka qen\u00eb e fort\u00eb sidomos p\u00ebr ushqimet. T\u00eb dh\u00ebnat e Eurostat tregojn\u00eb se vet\u00ebm te ushqimet, niveli i \u00e7mimeve u rrit nga rreth 85% e mesatares s\u00eb BE-s\u00eb n\u00eb 2022, n\u00eb 99.6% n\u00eb 2024 dhe n\u00eb 102.9% n\u00eb 2025. Pra, nj\u00eb shport\u00eb ushqimore q\u00eb kushton mesatarisht 100 euro n\u00eb BE, n\u00eb Shqip\u00ebri kushton pothuajse 103 euro.<\/p>\n

N\u00eb Maqedoni t\u00eb Veriut, e nj\u00ebjta shport\u00eb kushton 74.3 euro, n\u00eb Mal t\u00eb Zi 84.6 euro, n\u00eb Bosnj\u00eb-Hercegovin\u00eb 84.6 euro, n\u00eb Serbi, 96.6 euro. (Shiko grafikun: Indeksi i \u00e7mimeve t\u00eb ushqimeve, sipas barazis\u00eb s\u00eb fuqis\u00eb bler\u00ebse).<\/em><\/p>\n

Ky \u00ebsht\u00eb nj\u00eb kontrast i fort\u00eb p\u00ebr nj\u00eb vend ku t\u00eb ardhurat mbeten shum\u00eb m\u00eb t\u00eb ul\u00ebta se mesatarja europiane. P\u00ebr m\u00eb tep\u00ebr, ushqimet kan\u00eb nj\u00eb pesh\u00eb shum\u00eb m\u00eb t\u00eb madhe n\u00eb buxhetin e familjeve shqiptare, n\u00eb rreth 40%, ndaj shtrenjtimi i tyre godet drejtp\u00ebrdrejt fuqin\u00eb bler\u00ebse.<\/p>\n