{"id":12613,"date":"2026-05-07T19:52:45","date_gmt":"2026-05-07T17:52:45","guid":{"rendered":"https:\/\/ekolajmi.com\/?p=12613"},"modified":"2026-05-07T19:52:45","modified_gmt":"2026-05-07T17:52:45","slug":"ipk-arreston-kater-zyrtare-policore-dyshohen-per-disa-vepra-penale","status":"publish","type":"post","link":"https:\/\/ekolajmi.com\/index.php\/2026\/05\/07\/ipk-arreston-kater-zyrtare-policore-dyshohen-per-disa-vepra-penale\/","title":{"rendered":"IPK arreston kat\u00ebr zyrtar\u00eb policor\u00eb, dyshohen p\u00ebr disa vepra penale"},"content":{"rendered":"

\"\"<\/p>\n

Inspektorati Policor i Kosov\u00ebs ka b\u00ebr\u00eb t\u00eb ditur se duke iu referuar operacionit t\u00eb sotsh\u00ebm t\u00eb udh\u00ebhequr nga Prokuroria Themelore n\u00eb Prishtin\u00eb, p\u00ebrkat\u00ebsisht Departamenti p\u00ebr Krime t\u00eb R\u00ebnda, n\u00eb koordinim dhe bashk\u00ebpunim t\u00eb ngusht\u00eb me Inspektoratin Policor t\u00eb Kosov\u00ebs (IPK) dhe Drejtorin\u00eb p\u00ebr Hetimin e Krimeve Ekonomike dhe Korrupsion, jan\u00eb shoq\u00ebruar n\u00eb objektin e IPK-s\u00eb kat\u00ebr zyrtar\u00eb policor\u00eb t\u00eb dyshuar n\u00eb k\u00ebt\u00eb rast.<\/strong><\/p>\n

IPK njofton se pas intervistimit tre zyrtar\u00eb policor\u00eb jan\u00eb arrestuar dhe me vendim t\u00eb Prokurorit u \u00ebsht\u00eb caktuar masa e ndalimit p\u00ebr 48 or\u00eb kurse ndaj nj\u00eb zyrtari tjet\u00ebr rasti do t\u00eb vazhdoj n\u00eb procedur\u00eb t\u00eb rregullt.<\/p>\n

\u201cOperacioni \u00ebsht\u00eb realizuar n\u00eb disa lokacione n\u00eb Prishtin\u00eb, Fush\u00eb Kosov\u00eb dhe Obiliq n\u00eb baz\u00eb t\u00eb urdh\u00ebres\u00ebs se Gjykat\u00ebs Themelore n\u00eb Prishtin\u00eb dhe ka p\u00ebrfshir\u00eb bastisjen e pes\u00eb \u00a0personave zyrtar\u00eb dhe dy personave civil\u00eb\/qytetar\u00eb, t\u00eb dyshuar p\u00ebr p\u00ebrfshirje n\u00eb veprimtari kriminale q\u00eb lidhen me disa vepra penale\u201d, thuhet nj\u00eb njoftim.<\/p>\n

IPK njofton se hetimet lidhur me k\u00ebt\u00eb rast ndaj kat\u00ebr zyrtar\u00ebve policor\u00eb\u00a0 jan\u00eb duke u zhvilluar n\u00eb koordinim me Prokurorin\u00eb Themelore n\u00eb Prishtin\u00eb\u00a0 me dyshimin p\u00ebr veprat penale \u201cKeqp\u00ebrdorim i pozit\u00ebs apo autoritetit zyrtar\u201d, \u201cShkelje e fsheht\u00ebsis\u00eb s\u00eb procedur\u00ebs\u201d dhe \u201cMarrja e deklaratave me an\u00eb t\u00eb shtr\u00ebngimit.<\/p>\n

N\u00eb interes t\u00eb hetimit IPK i ka rekomanduar Policis\u00eb s\u00eb Kosov\u00ebs suspendimin p\u00ebr 4 zyrtar\u00ebt policor\u00eb t\u00eb p\u00ebrfshir\u00eb si t\u00eb dyshuar n\u00eb k\u00ebt\u00eb rast.<\/p>\n

Tutje thuhet se hetuesit e IPK-s\u00eb n\u00eb konsultim t\u00eb vazhduesh\u00ebm me prokurorin\u00eb pritet t\u00eb nd\u00ebrmarrin t\u00eb gjitha veprimet e nevojshme hetimore n\u00eb p\u00ebrputhje me ligjin.<\/p>\n

Ndryshe, sipas dyshimeve fillestare dhe veprimeve hetimore t\u00eb nd\u00ebrmarra deri n\u00eb k\u00ebt\u00eb faz\u00eb t\u00eb hetimeve, t\u00eb dyshuarit n\u00eb bashk\u00ebveprim, dyshohen se jan\u00eb p\u00ebrfshir\u00eb n\u00eb aktivitete kriminale q\u00eb lidhen me p\u00ebrfitime t\u00eb kund\u00ebrligjshme pasurore, p\u00ebrmes falsifikimit t\u00eb dokumenteve pron\u00ebsore dhe ndryshimit t\u00eb paligjsh\u00ebm t\u00eb pronar\u00ebve t\u00eb tyre. \/ekolajmi\/<\/p>\n