Aktuale

Partia Demokratike e Kosovës (PDK) ka konfirmuar se Vlora Çitaku është caktuar ushtruese e detyrës së kryetares së partisë, pas dorëheqjes së parevokueshme të Bedri Hamzës.

PDK-ja ka bërë të ditur se vendimi është marrë nga organet drejtuese të partisë.

“Pas dorëheqjes së parevokueshme të z. Bedri Hamza nga pozita e kryetarit të PDK-së, organet drejtuese të partisë kanë caktuar znj. Vlora Çitaku si ushtruese të detyrës së kryetares”, thuhet në konfirmimin e PDK-së.

Partia ka bërë të ditur se gjatë kësaj periudhe do të organizohen dhe mbahen zgjedhjet e brendshme në të gjitha nivelet.

“Gjatë kësaj periudhe do të organizohen dhe mbahen zgjedhjet e brendshme të partisë në të gjitha nivelet”, thuhet tutje.