Kosovë

Forca e Sigurisë së Kosovës (FSK), Policia e Kosovës dhe ushtritë partnere nga Shtetet e Bashkuara të Amerikës, Kroacia dhe Shqipëria do të zhvillojnë ushtrimin fushor “VALOR SHIELD 2026”.

Ushtrimi do të mbahet nga 21 shtatori deri më 2 tetor 2026.

Gjatë kësaj periudhe pritet të ketë lëvizje të automjeteve ushtarake dhe policore nga vendbazimet e FSK-së në drejtim të komunave të Drenasit, Obiliqit, Fushë Kosovës dhe Prishtinës.

Sipas njoftimit, këto lëvizje do të realizohen në kuadër të aktiviteteve të planifikuara për ushtrimin.

Autoritetet kanë kërkuar mirëkuptimin e qytetarëve gjatë kësaj periudhe.