Aktuale

Gërmimet arkeologjike që po zhvillohen në Bostan po sjellin të dhëna të reja për këtë qendër të lashtë të lidhur me periudhën e Mbretërisë Dardane.

Hulumtimet e viteve të fundit kanë konfirmuar një vendbanim të fortifikuar, me gjurmë të një muri rrethues, kullë dhe portë, ndërsa materialet e gjetura dëshmojnë për një qendër me rëndësi në periudhën klasike dhe helenistike.

Të dhënat e deritanishme po e bëjnë Bostanin një nga lokalitetet e rëndësishme për të kuptuar më shumë mbi jetën, ekonominë dhe organizimin e vendbanimeve gjatë periudhës së Mbretërisë Dardane në Dardani.