Aktuale

Ish-ministri i Tregtisë, Ismet Mulaj, ka reaguar përmes një postimi në Facebook lidhur me kontratën e KEK-ut për eksportin e linjitit në Maqedoninë e Veriut.

Mulaj ka thënë se mbështet çdo iniciativë që synon shfrytëzimin e resurseve që Kosova i posedon me bollëk dhe që mund të sjellin të ardhura, vende pune dhe zhvillim ekonomik.

Megjithatë, sipas tij, linjiti nuk duhet të shihet vetëm si lëndë djegëse për prodhimin e energjisë apo si produkt për eksport, por duhet të analizohet edhe potenciali i tij për përpunim dhe përdorim në industri.

Ai ka kërkuar një studim serioz të fizibilitetit, për të përcaktuar se në cilat fusha linjiti mund të krijojë më shumë vlerë për ekonominë e Kosovës.

Mulaj ka ngritur gjithashtu çështjen e mundësive për zhvillimin e produkteve të reja me bazë linjiti, përpunimin dhe eksportin e produkteve me vlerë të shtuar, si dhe hapjen e mundësive për kompanitë private dhe investitorët.

Sipas tij, shfrytëzimi i këtij resursi duhet të bëhet me rregulla të qarta, standarde mjedisore dhe mbikëqyrje të fortë shtetërore.

“Nuk jam për politizimin e kësaj çështjeje. As për ta glorifikuar linjitin, as për ta demonizuar”, ka shkruar Mulaj, duke shtuar se Kosova duhet ta analizojë dhe menaxhojë këtë resurs në mënyrë që ta kthejë në zhvillim ekonomik.

Postimi i plote: