Aktuale

Chris McKinney, zëvendësdrejtor i Komandës Evropiane të SHBA-së (USEUCOM) për Strategji, Plane dhe Politika, ka zhvilluar vizitën e tij të fundit në Ballkanin Perëndimor, duke përfshirë edhe Kosovën.

Gjatë qëndrimit në Kosovë, ai është takuar me komandantin e Forca e Sigurisë së Kosovës, gjenerallejtënant Bashkim Jashari.

Në takim, McKinney ka falënderuar Jasharin për bashkëpunimin dhe koordinimin shumëvjeçar në fushën e sigurisë, duke theksuar rëndësinë e partneritetit për stabilitetin në Evropën Juglindore.

Ai ka deklaruar se progresi i arritur deri tani reflekton angazhimin e përbashkët për një rajon më të sigurt, më të qëndrueshëm dhe më të begatë.

Në takim është ritheksuar edhe mbështetja e vazhdueshme e Shteteve të Bashkuara të Amerikës për modernizimin e kapaciteteve të mbrojtjes së Kosovës, si dhe për forcimin e bashkëpunimit rajonal në fushën e sigurisë.