Ekonomi

Ministri në detyrë i Financave ka njoftuar se është hapur aplikimi për punëtorët e sektorit privat për të përfituar mbështetjen financiare prej 100 eurosh.

Sipas njoftimit, aplikimi bëhet përmes formularit online, ndërsa secili i punësuar duhet të aplikojë individualisht dhe të sigurohet që të dhënat e plotësuara të jenë të sakta.

“Llogaria bankare duhet patjetër të jetë në emër të përfituesit. Aplikimet që përmbajnë gabime, refuzohen”, thuhet në njoftim.

Afati për aplikim është deri më 5 qershor 2026.

Sipas ministrit, të drejtë aplikimi kanë:

– Punëtorët në sektorin privat;

– Punëtorët në organizata joqeveritare (OJQ);

– Punëtorët në entitete publike që nuk marrin pagë nga buxheti përmes listës së pagave, si ndërmarrjet publike dhe RTK-ja.

Kriteret për përfitim janë:

– Përfituesi duhet të ketë të ardhura mujore bruto deri në 1,000 euro;

– Punëtori duhet të jetë i deklaruar në ATK nga punëdhënësi me deklaratën e muajit prill, e dorëzuar deri më 15 maj.