Aktuale

Me synim të forcimit të bashkëpunimit afatgjatë ndërmjet Ministrisë së Kulturës dhe Radio Televizioni i Kosovës, ministrja Saranda Bogujevci dhe ushtruesja e detyrës së drejtoreshës së përgjithshme të RTK-së, Zana Spahiu, kanë nënshkruar sot një marrëveshje bashkëpunimi ndërmjet dy institucioneve.

Marrëveshja parasheh themelimin e një kanali televiziv të dedikuar kulturës, organizimin e “Akordeve të Kosovës”, që përfshin Festivalin e Këngës dhe Festivalin e Fëmijëve, si dhe fuqizimin e orkestrës së RTK-së.

Po ashtu, bashkëpunimi do të mundësojë mbulim më të gjerë mediatik të ngjarjeve të kalendarit kulturor vjetor dhe aktiviteteve të institucioneve të kulturës në vend.