Aktuale

Prokuroria Themelore në Prishtinë ka njoftuar se ka pranuar informacione dhe një video-incizim që ngrit dyshime për ndotje të ajrit nga oxhaku i Korporatës Energjetike të Kosovës në Obiliq.

Sipas njoftimit, prokurori i shtetit ka autorizuar Policia e Kosovës që të ndërmarrë veprime hetimore për verifikimin e dyshimeve dhe sigurimin e provave relevante.

Rasti po trajtohet si vepër penale “ndotja, degradimi ose shkatërrimi i mjedisit”, sipas Kodit Penal të Republikës së Kosovës.

Prokuroria ka theksuar se mbetet e përkushtuar në mbrojtjen e mjedisit dhe zbardhjen e plotë të rastit.