Aktuale

Kryetari i Shoqatës së Përpunuesve të Drurit të Kosovës (SHPDK), Zenel Kelmendi, dhe Drejtoresha Ekzekutive, Arieta Pozhegu, morën pjesë në sesionin informues të organizuar nga KIESA, lidhur me skemën e granteve për arsimin dual.

Kjo skemë synon të forcojë lidhjen ndërmjet bizneseve dhe sistemit të arsimit profesional, duke ofruar mbështetje financiare për kompanitë që investojnë në aftësimin dhe punësimin e të rinjve.

Programi mbështetet nga projekti “Shkathtësitë për Punësim të Qëndrueshëm në Kosovë”, i financuar nga Dukati i Madh i Luksemburgut dhe i implementuar nga Ministria e Industrisë, Ndërmarrësisë dhe Tregtisë përmes KIESA-s, në bashkëpunim me LuxDev.

Afati i fundit për aplikim është 30 prill 2026, ndërsa aplikimet mund të dërgohen në email: arsimidual@rks-gov.net.

SHPDK inkurajon të gjithë anëtarët e interesuar që të shfrytëzojnë këtë mundësi dhe të aplikojnë brenda afatit të përcaktuar. /Ekolajmi/