Aktuale

Me rastin e 18-vjetorit të pavarësisë, Komuna e Prishtinës ka njoftuar se ka organizuar sot një seri aktivitetesh për të nderuar këtë ditë të rëndësishme.

Sipas njoftimit për media, agjenda e aktiviteteve parashikon:

09:00 – Homazhe te varri i ish-presidentit dr. Ibrahim Rugova

09:15 – Homazhe te varri i veprimtarit Adem Demaçi

09:30 – Homazhe në Varreza të Dëshmorëve të Kryeqytetit

10:30 – Seancë solemne e Kuvendit të Prishtinës.

Kurse nga Zyra e Kryeministrit kanë lajmëruar se në mbrëmje, nga ora 17:30, Presidentja e Kosovës, Kryetari i Kuvendit dhe Kryeministri do të presin mysafirë shtetërorë në pritje solemne, ndërsa ora 20:00 shënon koncertin solemn të Filharmonisë së Kosovës në Sallën e Kuqe të Pallatit të Rinisë.