Kronikë

Foto: IlustrimPolicia e Kosovës ka bërë të ditur një rast në Novobërdë ku dy persona kanë raportuar se kanë hasur në tre persona të panjohur të dyshuar të cilët kishin prerë dru në malin e ankuesve.

Rasti ka ndodhur të mërkurën, në ora 21:30.

“Novobërdë  24.09.2025 – 21:30. Dy ankuesit meshkuj kosovarë kanë njoftuar policinë se kanë hasur në tre persona të panjohur të dyshuar të cilët kishin prerë dru në malin e ankuesve. Njëri prej të dyshuarve sipas ankuesve kishte në dorë një armë automatike AK 47 dhe i njëjti ka shtënë disa herë me qëllim që t’i frikësojë ankuesit”, thuhet në raport.

Policia tutje njofton se njëri prej ankuesve ka deklaruar se është ballafaquar fizikisht me të dyshuarin e armatosur dhe i njëjti pasi ka shtënë disa herë me armë është larguar nga vendi i ngjarjes.

Policia në vendin e ngjarjes ka gjetur dhe sekuestruar 12 gëzhoja.

Me vendim të prokurorit ndaj ankuesve është iniciuar rasti “Vetëgjyqësi” ndërsa ndaj tre të dyshuarve të panjohur është iniciuar rasti “Armëmbajtje pa leje”.

Rasti po hetohet. /Ekolajmi/