Aktuale

Epopeja e UÇK-së, Osmani: Nga sakrifica sublime te liria, një histori që vazhdon si udhërrëfyes për brezat

Mar 05, 2026 09:54

Në 28-vjetorin e rënies së familjes Jashari, presidentja Vjosa Osmani ka nderuar heroizmin e komandantit legjendar, Adem Jashari.

Duke ndarë një fotografi të statujës së tij, që shpërfaq madhështinë që kishte komandanti legjendar, Osmani shkroi: “Nga sakrifica sublime te liria, një histori që vazhdon të jetojë si betim, si frymëzim dhe si udhërrëfyes për brezat”.

Sot, 28 vjet më parë, filloi Epopeja e UÇK-së, si ngjarje kthesë në historinë e popullit të Kosovës.

Më 5, 6 dhe 7 mars 1998, forcat serbe rrethuan kullën e Jasharëve.

Në përballje të pabarabartë, Adem Jashari, së bashku me familjen e tij, zgjodhën qëndresën deri në flijim, duke u bërë simbol i pathyeshmërisë dhe i vendosmërisë për çlirim.