Aktuale

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, mori pjesë në ceremoninë e shënimit të 25-vjetorit të Shoqata e Kontabilistëve të Certifikuar dhe Auditorëve të Kosovës, ku vlerësoi kontributin e saj në forcimin e transparencës financiare, profesionalizmit dhe zhvillimit ekonomik të Kosovës.

Ajo theksoi se Shoqata ka luajtur rol të rëndësishëm në ngritjen e standardeve profesionale, forcimin e besimit në raportimin financiar dhe zhvillimin e kapitalit njerëzor që nga vitet e para të shtetndërtimit e deri më sot.

Ministrja Kusari-Lila nënvizoi gjithashtu se, në kohën e transformimeve teknologjike dhe sfidave globale, investimi në profesionistë të aftë mbetet thelbësor për ndërtimin e një ekonomie të fortë dhe konkurruese.

Në fund, ajo shprehu mirënjohje për auditorët dhe kontabilistët që kanë kontribuar ndër vite në ndërtimin e institucioneve më transparente dhe një ekonomie më të besueshme në vend.